.دايماً الحاجات القديمة اللي حوالينا بتربطنا بشكل كبير بذكرياتنا حتى لو مباقتش موجودة ولا بقينا نستخدمها
هنلاقي دايماً في بيوت أهالينا ثوابت موجودة في كل بيت, وده لإن الذوق العام كان واحد والاختلافات كانت بسيطة جداً. و ده بينطبق على ستايل اللبس و نوع المزيكا, حتى في الاجهزة المنزلية زي الأطباق البيضة المرسوم عليها ولد وبنت بيرقصوا, الخ..
وزي ما اتفقنا ان الدنيا كانت قريبة من بعض, كان الراديو تقريباً هو أنيس الإنسان الوحيد. ولما كنت تقول كلمة "كينج" كان محمد منير هو الشخص الوحيد اللي يجي في دماغك
سؤال تشرب ايه كانت إجابته واحدة وهي "كوكاكولا" واللي كان اسمها بيتقال على أي مشروب غازي على عكس دلوقتي
.وعشان فيه حاجات كتير اوي مرت على كذا جيل, قررت أجمّع حاجة من كل فترة زمنية مختلفة في البوم واحد"
