مهم جدًا

إنتا لسا مستني أيه؟! 
مستني أيه أكتر من كده عشان تتوب بقا، وتجدد النية، وتفتح صفحة جديدة مع ربنا، كان من يوم الحد اللي فات إلى انهارده الأيام البيض لشهر شعبان يبخت اللي صامهم، وبالذات امبارح يبخت برده اللي دعى ربنا فيه، ورجعله بقلبه قبل عقله، وعرف إن الدنيا فانية ملهاش لازمة، ومادايم غير وجه الله -عزوجل- القادر على تغيير حالك للأحسن بس لو بعدت عن معصيته ورجعتله.

سيبك يسيدي من ال٣ أيام دول، على الرغم من أهميتهم جدًا جدًا، ربنا بيديك فرصة تانية أهوه في واحد من أحب وأفضل الأشهر على قلب كل مسلم(شهر رمضان)، الشهر اللي بتتزلزل فيه الشياطين، الشهر اللي قلبك مفروض يكون متعلق فيه بالعبادة، الشهر اللي مفروض تبعد عن كل ذنب أو معصية عملتها ولازالت بتعملها لازم تنساها خالص، الشهر اللي بيعتبر بداية تجديد الإسلام والإيمان مع الله.

بس بقا فيه ناس بتكمل من بعد شهر رمضان، وناس بتهمل الدنيا تاني، وترجع للذنوب، وتترك الصلاة، وما أعظم هذا الذنب!
وفيه ناس بترجع تاكل بعضها تاني، ويوؤذوا بعض بلسانهم أو بتفكيرهم،..........

بس مفيش مشكلة، كده كده كلنا خطائون، ولكن خير الخطائين التوابون، ممكن ناخد الكلام الجاي ده عادة يومية قصيرة مستمرة للأبد سواء بقا في شهر رمضان الكريم أو في غيره من الشهور:

عادات يومية عن تجربة شخصية قد تغير حياتك ١٨٠ درجة، وتقربك من ربنا أكتر:
١- هتظبط نومك؛ بحيث تقوم تصلي الفجر،وتبدأ بقا يومك من بعدها، وصدقني والله بركة رهيبة هتجيلك لو التزمت بده، وخليت صلاة الفجر عادة دايمة في حياتك.

٢- هتبتدي من بعد صلاة الفجر، تحفظ قرآن، حدد مثلًا أقل عدد من الآيات هتقدر تحفظه، ممكن آيتين و ممكن ٥ على حسب مهتقدر، وصدقني في خلال السنة هتكون حققت إنجاز عظيم، وده أكيد أنا عارف هتقول ده كام قليل، بس ده أفضل، وأحسن من إنك تفضل تلعب، وتقلب في التليفون بلا هدف بتضيع وقت على الفاضي، الوقت اللي انتا بتضيعه ده ممكن تستغله في حاجة قد تكون شايفها صغيرة بالنسبة لك، بس هي عند ربنا عظيمة .

٣- قراءة من ٥-١٠ صفحات من القرآن كل يوم، مثلًا أبدأ بسورة البقرة حفظ ٥ آيات كل يوم، وأقرأ برده من ٥-١٠ صفحات كل يوم، تخيل بقا الكم الهائل من الحسنات والتقرب إلى الله باللي إنتا بتعمله كل يوم ده، لازم نتوب يجماعة، ونشوف إحنا بنعمل أيه غلط يغضب ربنا ونصححه ونعدله؛ لأن إنتا هتقابل ربنا على أخر حاجة عملتها وهتبعث عليها، وهتتحاسب على كل حاجة عملتها الصغيرة قبل الكبيرة والله، وده بلاي ليست هيوضح ليك أيه اللي هيحصلك بالظبط من لحظة دخولك القبر حتى لقائك لوجه ربنا سبحانه وتعالى
https://youtube.com/playlist?list=PLSSxr3Rf2_X1QNGSYhHRVM4xW9_CWQe4B

٤- داوم على قراءة سورة البقرة اللي إن شاء الله هتشفعلك يوم القيامة ممكن تقرأها كل يوم أو لو انشغلت ممكن مرتين في الأسبوع، وخليها دايمًا شغالة في بيتك، والله العظيم بتجيب بركة رهيبة، خليها على تليفونك اسمعها وانتا فاضي.
داوم برده على قراءة سورة الكهف، السورة اللي بتنير حياتك مابين الجمعتين، وفي أقوال أخرى صحيحة أن الله يضيئ لمن يقرأها بينه وبين البيت العتيق، كما أنها منجاة من الفتن ومن المسيح الدجال، 
وغيرها من الأمور العظيمة اللي هتكتسبها لما ترجع لربنا أكتر، هتلاقيك بتقربله أكتر، وتعرف أكتر عن الدين، وتتبع سنة نبينا وحبيبنا محمد صلى الله عليه وسلم، وده بلاي ليست تاني عن سيرة رسول الله وأصحابه لو خدتلك كل يوم فيديو بجد بجد هتحب ربنا ورسوله وربنا هيحبك، مش هعرف أحكيلك لأن ده هتحس بيه لوحدك 
" السيرة النبوية " https://youtube.com/playlist?list=PLSSxr3Rf2_X2oKwiy4UhzIdj4ACzB6dee

"أصحاب رسول الله صلى الله عليه وسلم " https://youtube.com/playlist?list=PLSSxr3Rf2_X1KkCTVpfCVEVcoY16ACSuf
إن شاء بعد الكلام ده هتقدر ترجع لربنا وتكون أفضل من الأول بكتير جدًا جدًا، وهتقرب من ربنا أكتر، واتعلم إزاي تتوكل على ربنا؛ فإن الله يحب المتوكلين لا المتواكلين اللذين يرجون الأمور من العباد، وليس رب العباد، بجد هتحس براحة نفسية رهيبة، وهتبتدي بقا تصلي الفروض في أوقاتها، وهتطلعلك علامة صلاة يعم وانتا صغير❤️ أبسط في أحسن من كده، وهتبعد عن التسويف في كل حاجة في حياتك، ومن كان مع الله فهو حسبه.

٥- لازم تطور نفسك بقا في مجال تعليمك وديه أمور كلنا عارفينها، انتظرونا في حاجات تانية كتير هنتكلم عنها عن الدين وعن تطوير الذات، وليلة كبيرة سعادتك، أتمنى مكنتش طولت عليكم ويكون الكلام ده أول طريق لرجوعك لربنا بجد بقا قبل فوات الأوان. 
#backtoAllah
بقلم " MOHAMED SOBHI " .