كلنا عارفين مين هو رجل الأعمال ولكن هل حد سمع قبل كده عن رائد الأعمال؟
راجل الأعمال هو اللي بيعرف يشوف الشغل اللي بيجيب فلوس فين ويروح يستثمر فيه سواء لو كانت حاجة موجوده فعلا مثلا زي مصنع شغال حلو وهيشتريه او لو مثلا محل عربيات شغال حلو ممكن يشارك صاحبه. يعني رجل الأعمال تفكيره كله ازاي يطلع فلوس من ولا حاجة او من غير ما يتعب.
لكن بقى رائد الأعمال حاجة تانية خالص وبيتقسموا لنوعين. أول نوع هو انه يشوف مشكلة في المجتمع ويحاول يحلها بفكرة مشروع جديدة. خلينا ناخد مثال: أول شخص يخترع الكمامة عشان يعالج مشكلة انتشار العدوة ده رائد اعمال, أول حد اخترج ال Screen Protector عشان يحمي الموبايل من انه يتكسر فده رائد اعمال.
النوع التاني بقى وهو اللي بيشوف حاجة مش موجوده في السوق ويحطها فيه, بمعنى: في منطقة معينة الناس فيها بيبيعوا لحمة وفراخ بس فالنوع ده من رواد الأعمال بيقرر انه ينزل بمنج جديد في المنطقة دي على سبيل المثال سمك. بكده هو جاب حاجة مش موجوده في السوق واستغلها لمصلحته.
من الأخر كده رائد الأعمال هو اللي بيطلع الفكرة اللي بتقوم عليها المشروع انما رجل الأعمال هو اللي بياخدها على الجاهز.
انت حابب تبقى مين؟ رائد اعمال ولا رجل اعمال؟
